تجمع ماتش إنبى (الدور التانى)

بسم الله الرحمن الرحيم

ماتش من أصعب ماتشات كل موسم
والـ 3 نقط فيه هيفرقوا معانا جدا فى مشوار البطولة
جمهور الاهلى مش محتاج توصية عالحضور
لان الجمهور اللى عوض فرق النقط لغاية ما بقينا متساويين وراهن على اللى نفسه اطول
من المستحيل انه يتخلى عن الفريق فى المراحل الاخيرة من البطولة
مرحلة الماتشات اللى جاية فيها كلها ماتشات كئوس
ولازم ان شاء الله نبقى داخلين ماتش البوابين واحنا مش خسرانين ولا نقطة من الماتشين اللى جايين
وأولهم ماتش إنبى وبعديه ماتش اليهود
فرقة إنبى دايما ماتشنا معاها بيكون رخم ومش بيخلص بسهولة
بس هو ممكن يخلص بسهولة فى حالة واحدة وهى تواجد الجمهور بشكل كبير
ودى حاجة مش محتاجة تأكيد عليها
الكل مرعوب من اصرار الاهلى وجمهوره عالبطولة
بس فى النهاية هيفهموا ليه الاصرار ده
لان الاهلى وجمهوره مينفعش يسيبوا الدرع يخرج برة مكانه الطبيعى فى الجزيرة

الماتش ان شاء الله يوم التلات 21-6 فى ستاد القاهرة الساعة 8.30
احنا هنتجمع الساعة 5 عند الشبراوى
وهندخل 5.30 عشان فى دخلة ان شاء الله
التأخير ممنوع الا للناس اللى عندهم امتحانات وبعد تبليغ مسئولى السكاشن انهم هيتأخروا
غير كدة مفيش أى عذر
الحضور بتى شيرت الاهلى او تى شيرت الجروب
والكل يلتزم بتقسيمة السكاشن فى المدرج عالـ 3 مدرجات
والالتزام بتعليمات الناس المسئولة

بالنسبة لجمهور الاهلى اللى هيخضر الماتش مطلوب منه 3 نقط

1- محدش يحضر بتى شيرت لفريق اوروبى والحضور بتى شيرت الاهلى او اى تى شيرت احمر واحنا مش هنقبل بتواجد اى فرد فى مدرجنا بتى شيرت لفريق اوروبى
2- محدش يقف عالسلالم اللى بين المدرجات والتوزيع عالاماكن اللى بتكون فاضية فى المدرج
3-التعاون مع اعضاء الجروب


بخصوص رحلات مجموعات أولتراس الأهلي من المحافظات .. الأسكندرية 0185830945 , الشرقية " الزقازيق وما جوارها 0126672332, بلبيس 0144773060 " مدينتي بنها وطوخ 0120782445 .. أولتراس أهلاوي رحلات المحله 0101860617 , المنصورة 0119699699, الفيوم ‏0197933736

بالتوفيق للاهلى

ـــــــــــــــــــــــــ ـــــــــ

تجمع سيكشن مصر الجديدة لماتش إنبى

إن شاء الله تجمع سيكشن مصر الجديدة لماتش انبى
هيكون الساعة 4 عند كنتاكى الخليفة المامون
كله يكون موجود ومحدش يتأخر

ـــــــــــــــــــــــــ ـــــــــ

تجمع سيكشن شبرا لماتش إنبى

إن شاء الله تجمع سيكشن شبرا لماتش انبى
هيكون الساعة 4 عند محطة مترو روض الفرج
كله يكون موجود ومحدش يتأخر