بسم الله الرحمن الرحيم
إن شاء الله يا شباب بكرة الخميس ماتش الاهلى والاتحاد فى ستاد القاهرة
الماتش أهميته عارفها الصغير قبل الكبير
من بعد ما زيزى اتغلبوا من الجونة امبارح
يبقى مكسب الماتش هيقربنا من الدورى بشكل كبير
لان وقتها هيبقى الفرق بينا وبينهم نقطة واحدة ووقتها الدنيا هتكون سهلة باذن الله
طبعا كل الكلام ده الكل عارفه كويس أوى
بالتالى من الطبيعى او البديهى ان الكل هيكون موجود بكرة
ومفيش غياب حتى لو فى عذر شخصى
والكلام ده مش لجروبات أولتراس
الكلام ده لأى أهلاوى
لأن ده أهم وقت الفرقة محتجانا فيه
مفيش تفكير انك تكون موجود او لا
الاختيار الوحيد لأى أهلاوى انه هيكون موجود فى الاستاد بكرة
ويوم خميس وكله من الطبيعى بيخرج
الماتش هيكون الساعة 8.30
احنا هنتجمع الساعة 4.30 عند الشبراوى
التجمع بدرى شوية عشان فيه دخلة ان شاء الله
كله بتى شيرت الاهلى او تى شيرت الجروب
جمهور الاهلى بتى شيرت الاهلى او اى تى شيرت احمر ومحدش ييجى بتى شيرت فرقة اوروبية
واللى تشوفه جنبك فى المدرج لابسها وعيه وفهمه
الدورى يا أهلى
الخميس مايو 12, 2011 6:22 am